الخصوصية والشروط

مين مسؤول عن إيه

بيانات عملاء متجرك ملكك وإنت المسؤول عنها. مظبوط بيعالجها بالنيابة عنك، عشان يطلع تقريرك بس. بياناتك إنت كصاحب متجر (اسمك، رقمك، اشتراكك) إحنا المسؤولين عنها.

بنقرا إيه من متجرك

• الأوردرات: الحالة، المبالغ، المنتجات، طريقة الدفع، والمحافظة.
• المنتجات والمخزون.

القراءة بمفتاح بتدّيه لنا من EasyOrders وقت الربط، ومش بنعدّل أي حاجة في متجرك.

مش بنخزّن إيه

أسماء العملاء وأرقام تليفوناتهم وعناوينهم وعناوين الـ IP بتتمسح أول ما البيانات توصل، قبل ما تتكتب في أي مكان.

بنخزّنها فين وإزاي

• على Cloudflare (سيرفرات برّه مصر).
• مفتاح EasyOrders متشفّر، ومحدش بيشوفه.
• سجلّ الإشعارات اللي بتوصل من EasyOrders بيتمسح بعد ٦٠ يوم.
• اللي بتكتبه في التقرير (التكاليف والإعلانات) محفوظ لمتجرك بس.

لينك تقريرك

اللينك الشخصي هو مفتاح تقريرك. أي حد معاه اللينك يقدر يشوف التقرير، فمتبعتهوش لحد. لو اتسرّب، ابعتلنا ونغيّره.

الإلغاء ومسح البيانات

تقدر تلغي الربط في أي وقت: امسح «مظبوط» من Public API ومن Webhooks في EasyOrders. ولو عايز نمسح بيانات متجرك عندنا، ابعت على واتساب.

حقوقك

تقدر تطلب تشوف بياناتك اللي عندنا، أو تصحّحها، أو نمسحها، أو توقف استخدامها. ابعت طلبك على واتساب، وبنرد عليك في أقرب وقت.

لو حصل تسريب

لو حصل تسريب لبيانات، بنبلّغ مركز حماية البيانات الشخصية خلال ٧٢ ساعة من ما نعرف، وبنبلّغك إنت كمان بالتفاصيل واللي عملناه.

الرسايل

بنبعت رسايل واتساب بس للي طلب يجرّب أو اشترك. تقدر تقولّنا «بطّل» في أي وقت ومش هنبعتلك تاني.

معالجة بيانات متجرك

لما بتربط متجرك، إنت موافق إن مظبوط يعالج بيانات أوردراتك ومنتجاتك بالنيابة عنك، عشان تقريرك بس. مش هنستخدمها لأي غرض تاني، ولا هنبيعها، ولا هنشاركها مع حد، غير مزوّد الاستضافة (Cloudflare). وبنمسح بيانات عملائك الشخصية قبل ما نخزّن أي حاجة.

الشروط باختصار

• الأرقام محسوبة من بيانات EasyOrders واللي بتكتبه أنت. لو رقم مش مظبوط، قولّنا ونصلّحه.
• التقرير أداة لمتابعة متجرك، مش استشارة محاسبية أو ضريبية.
• الاشتراك شهري ومن غير عقد، وتقدر توقفه في أي وقت.

تواصل

واتساب: 01014677966